Kryesia e Bashkësisë Islame të Kosovës në mbledhjen e mbajtur më 10 shkurt 2015, të kryesuar nga Myftiu i Kosovës, Naim ef. Tërnava, pas një debatit të gjithanshëm dhe pas shqyrtimit pikë për pikë, miratoi tri projektrregullore të propozuara nga Fakulteti i Studimeve Islame, përkatësisht: Rregulloren për Studime, Rregulloren për sistemin tutorial dhe Rregulloren për veprimtari kërkimore e shkencore.
Miratimi i këtyre tri rregulloreve përmirëson bazën juridike në punën dhe funksionimin e Fakultetit të Studimeve Islame.
Në këtë mbledhje Kryesia e BIK-së shqyrtoi edhe një sërë lëndësh, për të cilat edhe mori vendime në bazë të kompetencave të saja.
