Prishtinë, 16 tetor 2019
Kryesia e Bashkësisë Islame të Kosovës mbajti sot mbledhjen e rregullt, të cilën e hapi dhe e kryesoi kryetari i Bashkësisë Islame të Kosovës, Myftiu Naim ef. Tërnava. Ai fillimisht falënderoi anëtarët e Kryesisë për angazhimin dhe aktivitetet që janë duke i bërë në terren. Në këtë mbledhje, anëtarët e Kryesisë së Bashkësisë Islame të Kosovës për temë patën Raportin e Komisionit verifikues të Kryesisë për prishjen e një pjese të mishit të kurbanëve 2019, fillimin e vitit shkollor 2019-2020 (medrese dhe FSI), si dhe shqyrtimin e disa lëndëve dhe mori vendime në kompetencë të saj, si dhe diskutuan për çështje të ndryshme.
