Ka ndërruar jetë prof. Bajrush ef. Ahmeti (1940-2021)

“Të Zotit jemi dhe tek Ai do te kthehemi”

Njoftojmë kolegët, miqtë e opinion e gjerë se në orët e para të mëngjesit të sotëm, në Prishtinë, ka ndërruar jetë Bajrush ef. Ahmeti ish-profesor shumëvjeçar në medresenë e mesme “Alaudin” në Prishtinë.
Siç bënë të ditur familja, rahmetliu ishte i prekur nga Covid-19, andaj varrimi do të bëhet vetëm nga rrethi i ngushtë familjar, si dhe për shkak të situatës pandemike nuk do të organizohet të pame.

(Biografi e shkurtër)
Bajrush Ahmeti u lind më 1940, në fshatin Orllan, komuna e Podujevës. Shkollën fillore e kreu në vendlindje, të mesmen në Medresenë “Alaudin” të Prishtinës. Studimet i vazhdoi në Fakultetin e Sheriatit dhe të Filologjisë në Universitetin e Bagdadit, ku edhe diplomoi më 1972.
Prej vitit 1972 punoi si profesor i Historisë Islame në Medresenë e mesme “Alaudin” në Prishtinë.
Me shkrime në periodikun e Bashkësisë Islame e gjejmë të pranishëm që nga vitet e ‘70-ta, të shekullit të shkuar, fillimisht në revistën “Edukata Islame”, pastaj në “Takvim- Kalendar”, “Zëri i Rinisë”, “Dituria Islame”, “Hëna e Re” etj., ku ka botuar artikuj, studime e përkthime nga fusha e Historisë Islame.
Bajrush Ahmeti ka të botuar një sërë veprash kryesisht tekste shkollore për nevoja të Medresesë: Historia e Pejgambërve (1978); Historia islame-2 (1992); Historia islame-3, (1992); Njëqind e një hadithe, përkthim me komentim,(1995); Historia islame-4, (1997); Perandoria osmane dhe përhapja e islamit në trojet shqiptare dhe në viset fqinje, (1997); Kadijanitë (Ahmeditë), (1997) etj.

  • Mesazh urimi me rastin e festës së Pashkëve

    Ipeshkvit të Kosovës, Z. Dodë Gjergjit I nderuari ipeshkëv Dodë Gjergji, me rastin e festë…
  • Tender

    Prishtinë, 25 mars 2021 KRYESIA E BASHKËSISË ISLAME TË KOSOVËS Shpall: Tender për botimin …
  • Konkurs

    Data: 11 mars 2021 Këshilli i Bashkësisë Islame i Kaçanikut shpall: KONKURS Për plotësimin…
Shfaq më shumë në Njoftime

Shfleto

Mesazh urimi me rastin e festës së Pashkëve

Ipeshkvit të Kosovës, Z. Dodë Gjergjit I nderuari ipeshkëv Dodë Gjergji, me rastin e festë…