Myftiu Tërnava takoi imamët e Hanit të Elezit Prishtinë, 29 janar 2019 Kryetari i Bashkësisë Islame të Kosovës, Myftiu Naim ef. Tërnava, i shoqëruar nga një pjesë e kabinetit të tij, sot vizitoi Këshillin e Bashkësisë Islame të Hanit të Elezit, në të cilin u prit nga kryetari i këtij Këshilli Musa ef. Vila. Kryetari Vila e njohu Myftiun Tërnava me organizimin dhe aktivitetet e KBI-së, së Hanit të Elezit . Myftiu Tërnava gjatë kësaj vizite zhvilloi një takim me imamët e Këshillit të BI-së, të Hanit të Elezit të cilëve i falenderoi për punën dhe aktivitetin që janë duke bërë dhe poashtu kërkoi bashkëpunim dhe unitet të ndërsjellë, duke i ofruar kështu xhematit Islamin ashtu siç është. Ne si popull jemi të veçuar që Allahu na ka bërë pjesë e kësaj feje. Të mbjellim dashuri dhe respekt ndaj Islamit kudo që jemi dhe ta bëjmë Islamin të dashur tek të rinjtë dhe masa. Ai gjithashtu porositi imamët e Hanit të Elezit që edhe më të japin kontribut në të mirë të Islamit dhe të vendit.
