Kryesia e Bashkësisë Islame të Kosovës shtroi iftar për administratën dhe imamët e rajonit të Pejës

Prishtinë, 5 qershor 2017

Në vazhdën e aktiviteteve të Kryesisë së Bashkësisë Islame  të Republikës së Kosovës (BIRK) të Ramazanit 2017 të kryesuar nga myftiu i Republikës së Kosovës Naim ef. Tërnava ekipi i Ramazanit qëndroi në rajonin e Pejës ku u shtrua  iftar tradicional për administratën  dhe  imamët e Këshillave të Pejës, Klinës, Deçanit dhe  Istogut.

Pas iftarit me një fjalë rasti të pranishmëve në emër të Kryesisë së BIRK-së  iu drejtua Myftiu Naim ef. Tërnava i cili drejtoi lutje  Zotin që duatë dhe agjërimin të na i pranojë dhe edh më të mundohemi të fitojmë nga ky muaj i bekuar.

Ai  në vazhdim falënderoi edhe përfaqësuesin e ambasadës së Emirateve të Bashkuara Arabe  në Mal të Zi z. Ibrahim el Alevi i cili  mori pjesë në këtë iftar të cilin e sponsoroi Ambasada e EBA-së .”Këtë muaj e veçoi  Zoti duke dhuruar begati të njëpasnjëshme. Ne jemi duke agjëruar dhe në këtë muaj do ta presin Natën e Kadrit e cila është një dhuratë tepër e çmuar për ymmetin e Muhamedit a.s., dhe kështu bashkërisht do të dalim inshallah edhe Ditën e Bajramit”-shtoi myftiu Tërnava duke shprehur dhimbje që sot kaloi në botën tjetër shejhu, hoxha dhe profesori ynë Mahmut Arnauti i biri i dijetarit të madh shqiptar Abdulkadër Arnauti,  cili ishte paraparë që edhe ai të jetë sonte me ne në iftar dhe në terren por Zoti e mbuloi me mëshirën e Tij dhe kaloi në amshim por ne do të lutemi për shpirtin e tij i cili ka kontribuar në përhapjen dhe forcimit të Islamit  këtu në Kosovë  por edhe më gjerë.

Në vazhdim ai pagëzoi imamët për punën që janë duke e bërë nëpër Këshillat e BI-së, dhe potencoi edhe rolin që duhet ta luajë vazhdimisht imami në shërbim të fesë dhe kombit  duke ditur se ky është një amanet që e kemi para Zotit dhe kombit në mënyrë që para Zotit të dalim faqebardhë.

“ Këtë amanet të madhit Zot merreni  edhe më afër shpirtit dhe si përgjegjësi. Këtë amanet na e ka falur Zoti dhe ne duhet t’i dalim Zot. Ju imam të nderuar duhet t’i përkushtoheni edhe më shumë punës suaj. Jepni edhe më kontributin tuaj në lartësimin e Fjalës së Allahut dhe më shumë të ndikojmë në veçanti tek brezi i ri që ata edhe më të jenë të dhënë pas fesë sonë të mirëfilltë islame, që buron nga Kurani, kësaj feje që e shoqëroi  Ademin a.s., dhe vargun e të gjithë pejgambereve deri në zbritjen e Kuranin mbi Muhamedit a.s.” ”-shtoi myftiu Tërnava.

Pas iftarit, ekipi i Ramazanit u shpërnda nëpër xhamitë e rajonit të Pejës për të ligjëruar nëpër xhami dhe falë namazin teravisë.

Shfaq më shumë në Lajme

Shfleto

Kryesia e Bashkësisë Islame të Kosovës mbajti mbledhjen e radhës

Prishtinë, 26 shtator 2020 Kryesia e Bashkësisë Islame të Kosovës, ka mbajtur sot mbledhje…