DEKLARATË PËR OPINION Prishtinë, 29 korrik 2010 Kryesia e Bashkësisë Islame të Kosovës, në mbledhjen e mbajtur sot më 29 korrik 2010, përveç tjerash shqyrtoi edhe gjendjen e krijuar në FSI, pas gjoja zgjedhjes së dekanit.Kryesia e BIK tërë procedurën e ndjekur nga Grupi që thirret në emër të Këshillit Mësimor Shkencor të FSI e konsideron jo të rregullt, antikushtetuese dhe jo legjitime. Vendimet e atij trupi i konsideron ilegale dhe pa asnjë vlerë juridike. Fakulteti i Studimeve Islame punon dhe vepron nën mbikëqyren e Bashkësisë Islame, e cila është edhe themeluese e tij.Kryesia qëndron prapa Vendimit të saj të mëparshëm që detyrën e dekanit ta ushtrojë Mr. Qemajl Morina, deri në vendimin për zgjedhjen e dekanit sipas procedurës së rregullt.
