Prishtinë, 2 prill 2015
Gjatë qëndrimit në EBA, delegacioni i BIK-ut vizitoi edhe Dubain, ku u prit edhe në Ministrinë për Çështje Fetare dhe Vakëfe, përkatësisht nga Dr. Omer Al-Khateb, drejtor ekzekutiv për çështje islame. Nikoqiri falënderoi Myftiun për vizitën, duke theksuar se institucioni i tij është i përkushtuar për zgjerimin e bashkëpunimit me BIK-un.
Nga ana e tij Myftiu Tërnava falënderoi nikoqirin për pritjen, dhe theksoi se thellimi i bashkëpunimit me këtë institucion është shumë i rëndësishëm. Myftiu po ashtu falënderoi qeverinë e Dubait për përkrahjen dhe mbështetjen e dhënë për BIK-un.
Në Dubai Myftiu gjithashtu vizitoi edhe Fondacionin “Muhamed bin Rashid Al-Maktoum”, ku u takua me drejtorin gjeneral, z. Saleh Zaher. Gjatë takimit të dy palët u dakorduan për realizimin e disa projekteve vakëfore për nevoja të BIK-ut.
