Prishtinë, 10 prill 2015

Sot, pas namazit të xhumasë, në fshatin Dardhishtë (Krushevc) të Obiliqit, në një solemnitet rasti u vu gurthemeli për një xhami të re. Në këtë manifestim qe i pranishëm edhe Myftiu i Kosovës, Naim ef. Tërnava me bashkëpunëtorë, kryetari i Obiliqit, Xhafer Gashi, kryetari i KBI-së në Obiliq, Behar Mjekiqi, si dhe xhemati i Dardhishtës e rrethinës.

 

Myftiu Tërnava, pasi vuri gurthemelin, i përgëzoi e i uroi xhematin dhe besimtarët e këtij lokaliteti, si dhe i falënderoi të gjitha ata që kontribuuar për nisjen e kësaj xhamie.

“Xhamitë i ndërtojnë vetëm besimtarët e sinqertë që njohin madhërinë dhe fuqinë e Zotit. Xhamia është vend ku adhurohet e madhërohet i Madhi Zot”, tha ndër të tjera Myftiu Tërnava, për të shtuar se ndihet shumë mirë që tashmë edhe Dardhishta po bëhet me xhami të re. Të pranishmit u përshëndetën dhe u përgëzuan edhe nga kryetari i Obiliqit, Xhafer Gashi, kryetari i KBI-së në Obiliq, Behar Mjekiqi, ndërsa në emër të xhematit të fshatit të pranishmit i falënderoi imami Shaban Kosumi.{gallery}dardhishte{/gallery}

Shfaq më shumë në Lajme

Shfleto

Myftiu Tërnava priti në takim zv/ministrin e Jashtëm të Turqisë, z. Yasin Ekrem Serim

Prishtinë, më 28 mars 2024 Kryetari i Bashkësisë Islame të Kosovës, Myftiu Naim ef. Tërnav…