Myftiu i Kosovës, Naim ef. Tërnava sot priti drejtorin e shoqatës “Mohammed Bin Rashid Al Maktoum & Charity Est.” Prishtinë, 22 korrik 2016 Myftiu i Kosovës, Naim ef. Tërnava sot priti në një takim drejtorin e shoqatës “Mohammed Bin Rashid Al Maktoum & Charity Est.”, në të cilin u diskutua për bashkëpunimin e shkëlqyeshëm që Bashkësia Islame e Kosovës ka pasur dhe po vazhdon ta ketë me këtë shoqatë.Në takim me drejtorin Saleh Zaher Al Mazroei myftiu Tërnava shprehu falënderimin e tij për kontributin e gjertanishëm që kjo shoqatë ka dhënë për shoqërinë kosovare në përgjithësi, dhe Bashkësinë Islame të Kosovës në veçanti, si dhe të njëjtin e informoi edhe me rrjedhën e projekteve që po realizon BIK-u, e të cilat projekte po ndihmohen nga kjo shoqatë.Edhe drejtori Gjeneral i “Mohammed Bin Rashid Al Maktoum & Charity Est.”, Saleh Zaher Al Mazroei, me bashkëpunëtorët e tij shprehën mirënjohjen e tyre për mikpritjen e bërë nga myftiu Tërnava dhe Kabineti i tij, duke shtuar se bashkëpunimi mes BIK-ut dhe shoqatës që ata udhëheqin do të vazhdojë edhe në të ardhmen, gjithmonë në të mirë dhe dobi të shoqërisë kosovare në përgjithësi.
