“Bereqeti” shpërndau pako ushqimore në Ferizaj, Novobërd dhe Vushtrri

Prishtinë, më 31 maj 2022

Shoqata Humanitare “Bereqeti” që funksionon në kuadër të Bashkësisë Islame të Kosovës po vazhdon edhe këtë javë me shpërndarjen e pakove ushqimore për rastet sociale në gjithë vendin.

Ky aksion i “Bereqetit” vjen në bashkëpunim me Qeverinë e Kosovës, ku synohet të shpërndahen afër tetë mijë pako ushqimore për këtë kategori.

Gjatë ditës së djeshme, “Bereqeti” ka shpërndarë 1300 pako të tilla në Ferizaj, Novobërd dhe Vushtrri.

Drejtori i Bereqetit, Behxhet Ajvazi thotë se për shkak të rritjes së çmimeve kërkesat për produkte ushqimore nga kjo kategori e shoqërisë është rritur.

Përfaqësues të këtyre komunave shprehen falënderues për shpërndarjen e këtyre pakove, për shkak të nevojës së madhe tek këto familje.

Në anën tjetër, falënderues dhe mirënjohës shprehen përfituesit e këtyre pakove ushqimore.

Shoqata Humanitare “Bereqeti” ka filluar shpërndarjen e pakove ushqimore të dhuruara nga Qeveria e Kosovës që nga fundi i muajit të kaluar dhe do të zhvillohen aktivitete të tilla në 14 komuna të Kosovës.

Shfaq më shumë në Lajme

Shfleto

Deklaratë për opinion

Prishtinë, më 29 qershor 2022 Avioni i paraparë për t’i dërguar sot në orët e para të mëng…