Prishtinë, 1 nëntor 2013

Myftiu i Kosovës, Mr. Naim Tërnava pas rizgjedhjes edhe për një mandat 5 vjeçar në takimin e parë të tij zyrtar priti ambasadoren e Turqisë në Kosovë, znj. Songul Ozan, e cila shoqërohej  nga Abdullah Vasfi Yuce – përfaqësues special i Kryetarit të DIJANET-it të Turqisë- prof .dr. Mehmet Gormez, i cili ka ardhur të uroj Myftiun Tërnava me rastin e rizgjedhjes edhe për një mandat.

Ambasadorja Ozan uroi Myftiun Tërnava për mandatin e ri, duke i uruar shëndet suksese e mbarësi gjatë këtij mandati me shpresat se bashkëpunimi mes Bashkësisë Islame të Kosovës dhe DIJANET-it të Turqisë në të ardhmen do të forcohen edhe me tepër në shumë fusha si në arsim, kulturë, trashëgimi etj.
Ndërsa, i dërguari special i Kryetarit të DIJANET-it, Abdulah Vasfi Yuce, fillimisht i tha Myftiut: “Kam ardhur sot në Kosovë për të uruar për rizgjedhjen tuaj dhe duke bartë me vete urimet dhe përshëndetjet e kryetarit të DIJANET-it, prof. dr. Mehmet Gormez me urimet dhe lutjet më të mira për Ju, Bashkësinë Islame të Kosovës dhe gjithë myslimanët e Kosovës.”

Myftiu Tërnava falënderoi ambasadoren për vizitën dhe urimet e saja të ngrohta e miqësore. Ai tha: “në veçanti me lejoni që në pranin tuaj të falënderoj edhe të nderuarin Abdullah Yuce për ardhjen e tij në Kosovë dhe për selamet vëllazërore të Kryetarit të DIJANET-it të Turqisë. Ne kemi marrëdhënie dhe bashkëpunim të shkëlqyer me DIJANET-in e Turqisë edhe në të ardhmen do të vazhdojmë të kultivojmë dhe të rrisim bashkëpunimin tonë të përbashkët”.
Bashkë me delegacionin për urim te Myftiu  ishte edhe koordinatori i DIJANET-it në Kosovë, Idris Keskin dhe Haki Vatansever.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…