Prishtinë, më 7 dhjetor 2023

Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim ambasadorin e Arabisë Saudite, Feisal Hefzi.

Në këtë takim, ambasadori, uroi Myftiun Tërnava për rizgjedhjen edhe për një mandat në krye të institucionit të Bashkësisë Islame të Kosovës, duke i shprehur urimet dhe përgëzimet më të sinqerta për marrjen e kësaj detyre. Ai i uroi Myftiut Tërnava punë të mbarë, të bereqetshme dhe të suksesshme, duke rikonfirmuar edhe njëherë gatishmërinë e tij dhe të shtetit që ai përfaqëson që të jetë pranë kërkesave dhe nevojave të Bashkësisë Islame në veçanti, por edhe të Kosovës në përgjithësi.

Nga ana e tij, Myftiu Tërnava, falënderoi ambasadorin për vizitën dhe për urimet e tij, duke shprehur kështu falënderimet e tij dhe të institucionit të Bashkësisë Islame të Kosovës për ndihmat dhe përkrahjen e vazhdueshme që i ka dhënë shteti i Arabisë Saudite. Ai tha se si institucion mbesim të përkushtuar për të vazhduar bashkëpunimin e mirë që kemi pasur deri më tani me Ambasadën e Arabisë Saudite në projekte dhe fusha të ndryshme me rëndësi për qytetarët e vendit tonë.

Shfaq më shumë në Aktuale

Shfleto

Myftiu Tërnava takoi kryetarët e këshillave të BI-së

Prishtinë, më 29 shkurt 2024 Kryetari i Bashkësisë Islame të Kosovës, Myftiu Naim ef. Tërn…