20 shtator 2019
Delegacioni i Drejtorisë së Përgjithshme të Vakëfeve të Turqisë, i kryesuar nga z. Rifat Turker, i shoqëruar nga këshilltari i Myftiut Tërnava, Vedat ef. Sahiti, sot vizituan qytetin e Gjakovës për të parë nga afër punimet për restaurimin e monumenteve të rëndësishme të kulturës islame.
Në kuadër të kësaj vizite, ky delegacion vizitoi “Xhaminë e Mulla Jusufit”, “Xhaminë e Kusarve”, “Xhaminë e Sefës”, bibliotekën e kompleksit të xhamisë së Sylejman Agës, si dhe Medresenë e Vogël të Gjakovës.
Delegacioni i Vakëfeve të Turqisë gjatë ditës vizitoi edhe tyrben e Sulltan Muratit në Mazgit.
