Prishtinë, 15 shkurt 2019
Kryetari i Bashkësisë Islame të Kosovës, Myftiu Naim ef. Tërnava, i shoqëruar nga një pjesë e kabinetit të tij, sot, qëndroi për vizitë në komunën e Skenderajt, në të cilën u prit nga kryetari i kësaj komune z. Bekim Jashari.
Myftiu Tërnava fillimisht e falënderoi për pritjen, e më pas e përgëzoi atë për punën e tij në komunën e Skenderajt. Ai gjithashtu e falënderoi kryetarin Jashari për bashkëpunimin e thellë dhe kooperimin që e kanë me Këshillin e Bashkësisë Islame të Skenderajt.
Myftiu Tërnava e uroi kryetarin Jashari për përvjetorin e njëmbëdhjetë të Pavarësisë së Kosovës, duke kujtuar sakrificat e gjithë dëshmorëve për këtë ditë, si dhe në veçanti kontributin e familjes Jashari.
Nga ana e tij, kryetari Jashari, e falënderoi Myftiun Tërnava për vizitën, si dhe premtoi thellimin e bashkëpunimit me Bashkësinë Islame të Kosovës.
