Prishtinë, 24 janar 2019
Sot, u mbajt mbledhja e redaksisë së revistës “Dituria islame”, në të cilën u analizuan numrat 335, 336 dhe 337. Mbledhjen e hapi kryeredaktori i revistës dr. Ajni Sinani, i cili falënderoi anëtarët e redaksisë për angazhimin dhe punën e tyre që kjo revistë të dalë sa më cilësore dhe që të arrijë më kohë në duart e lexuesve.
Në këtë mbledhje mori pjesë edhe kryetari i Bashkësisë Islame të Kosovës, Myftiu Naim ef. Tërnava, i cili përgëzoi kryeredaktorin dr. Ajni Sinani dhe anëtarët e redaksisë për punën e tyre. Ai premtoi mbështetje të vazhdueshme në mënyrë që revista të dalë sa më mirë.
Në këtë mbledhje po ashtu u dhanë edhe shumë sugjerime se si të begatohet edhe më shumë kjo revistë.
