Prishtinë, më 18 janar 2023
Kryesia e Bashkësisë Islame të Kosovës ka mbajtur sot mbledhjen e rregullt të saj, të cilën e hapi dhe e kryesoi kryetari i saj, Myftiu Naim ef. Tërnava.
Në këtë mbledhje të Kryesisë u miratuan të gjitha pikat e rendit të ditës. Veç të tjerash u diskutua edhe për përgatitjen për të mirëpritur muajin Ramazan, i cili do të fillojë që nga 23 marsi.
Kryeimami i Kosovës, Vedat ef. Sahiti, shpalosi para anëtarëve të Kryesisë disa prej aktiviteteve për muajin Ramazan, duke përfshirë aktivitete për të gjitha grupmoshat, si dhe përgatitjet speciale mediatike.
Në këtë mbledhje u diskutua edhe për organizimin e Haxhit për këtë vit kalendarik, si dhe u shqyrtuan lëndë të tjera në bazë të kompetencave të Kryesisë së Bashkësisë Islame të Kosovës.
