Prishtinë, më 28 korrik 2022
Kryeimami i Bashkësisë Islame të Kosovës, Vedat ef. Sahiti, së bashku me zv.kryeimamin Fatmir ef. Iljazi dhe këshilltarin për Çështje Fetare pranë ambasadës turke në Prishtinë, z. Bunyamin Albayrak, kanë vizituar Këshillin e Bashkësisë Islame në Rahovec, ku u pritën nga kryetari Shani ef. Sylka me bashkëpunëtorë.
Pas takimit zyrtar, kryeimami me mysafirët ka vizituar edhe ambientet e Xhamisë Qendrore në Rahovec, ku po mbahet shkolla verore e mësim-besimit nga mualimet e Departamentit të Gruas.
Kryeimami Sahiti e përgëzoi Këshillin e Bashkësisë Islame në Rahovec për organizimin e shkollës verore dhe i uroi mualimet për punën e kontributin e tyre në mbarëvajtjen e mësim-besimit me grupmosha të ndryshme.
Projekti i angazhimit të mualimeve në kuadër të Bashkësisë Islame të Kosovës, edhe këtë vit po mbështetet nga zyra e Dijanetit.
