Prishtinë, 11 maj 2021
Aksioni “Sofra e Ramazanit” i organizuar nga Shoqata Humanitare Bamirëse “Bereqeti”, e cila funksionin në kuadër të Bashkësisë Islame të Kosovës, sot ka marrë përkrahje nga Ambasada e Shteteve të Bashkuara të Amerikës.
Ngjashëm sikurse edhe vitin e kaluar, kjo Ambasadë ka ndihmuar 25 familje nevojtare anembanë Kosovës.
Me këtë rast, drejtori i shoqatës “Bereqeti”, Behxhet ef. Ajvazi ka pritur sot në takim John Bushin, përfaqësues për çështje fetare pranë Ambasadës së Amerikës.
Drejtori Ajvazi falënderoi përzemërsisht z. Bush, e nëpërmjet tij edhe Ambasadën e Amerikës, si dhe gjithë popullin amerikan për ndihmën e dhënë për popullin e Kosovës me vite të tëra.
Ndërkaq, z. Bush, u shpreh tejet i impresionuar me punën dhe aktivitetin e shoqatës “Bereqeti”. “Ne jemi shumë të kënaqur dhe të gëzuar që edhe këtë vit po na mundësohet që të jemi pjesë e aksionit “Sofra e Ramazanit”. Shoqata “Bereqeti” edhe këtë vit, sikurse edhe viteve të tjera po bën një punë jashtëzakonisht të mrekullueshme në ndihmë familjeve nevojtare”- tha ndër të tjerash z. Bush.
Në fund të takimit, drejtori Behxheti, në shenjë falënderimi ndau një mirënjohje për Ambasadën e Amerikës për kontributin e tyre të çmuar dhënë për bamirësi.
