Ballina Lajme Myftiu Tërnava priti në takim ministrin e Shëndetësisë Arben Vitia

Myftiu Tërnava priti në takim ministrin e Shëndetësisë Arben Vitia

Prishtinë, 13 mars 2020

Myftiu i Kosovës, Naim Tërnava, ka pritur sot në takim Ministrin e Shëndetësisë në Republikën Kosovës, Arben Vitinë, ku temë diskutimi ka qenë parandalimi i pandemisë globale COVID-19 apo të njohur si Koronavirusi.
Gjatë këtij takimi, Myftiu i Kosovës, ka shprehur mbështetjen e plotë të Bashkësisë Islame të Kosovës, ndaj vendimeve të Qeverisë së Kosovës dhe Ministrisë së Shëndetësisë për parandalimin e përhapjes së Koronavirusit.
Tërnava ka falënderuar Zotin që deri më tani nuk ka pasur asnjë rast të tillë, ndërsa është lutur që në Kosovë të mos shënohet asnjë rast i Koronavirusit. Ai ka kërkuar që masat e ndërmarra nga Qeveria e Kosovës të respektohen në maksimum nga të gjithë qytetarët.
Më tutje, Tërnava ka njoftuar se gjatë ditës së sotme hytbja e xhumasë, do të mbahet në periudhë sa më të shkurt kohore dhe jo më të gjatë se 10 minuta. Po ashtu, Myftiu i Kosovës, ka njoftuar se gjatë ditës së nesërme Kryesia e Bashkësisë Islame të Kosovës, do të mbajë mbledhje të jashtëzakonshme me qëllim që të ndërmerren të gjitha hapat e nevojshme të parandalimit të Koronavirusit.
Në anën tjetër, Ministri i Shëndetësisë në Republikën e Kosovës, Arben Vitia, pas takimit me Myftiun Tërnava, ka potencuar se është i angazhuar që me të gjitha komunitetet fetare të ndërmerren hapat e nevojshme të parandalimit të përhapjes së Koronavirusit.
Ai ka thënë se përkundër se në Kosovë nuk është regjistruar asnjë rast i infektuar me COVID-19, është e domosdoshme që të ndërmerren hapat e nevojshëm që kjo epidemi të mos përhapet.
Ministri, po ashtu ka bërë të ditur se në Kosovë janë disa persona të cilëve u është marra mostra e analizave për shkak të dyshimit se mund të jenë të infektuar, por që asnjë person në vendin tonë nuk ka rezultuar të jetë i infektuar me Koronavirus.

Për më shumë ndiqeni kronikën e plotë
Shfaq më shumë në Lajme

Shfleto

7500 kg miell ndihmohen njerëzit në nevojë në Han të Elezit nga Bereqeti

Prishtinë,2 prill 2020Shoqata humanitare ‘Bereqeti” organ i Kryesisë së Bashkësisë Islame …