Ballina Lajme Bitia me xhami të re

Bitia me xhami të re

Në mënyrë solemne, nën këndimin e tekbireve Myftiu i Republikës së Kosovës, mr. Naim ef Tërnava, i shoqëruar nga bashkëpunëtorët e vet, përfaqësues të KBI të Ferizajt, dhe shumë xhematlinj, më 3 shtator 2013 preu shiritin hapjes së xhamisë së re të ndërtuar në fshatin Biti (Shtërpcë). Në këtë eveniment fetar, mori pjesë edhe Reis-ul ulema i BFM, Sulejman ef Rexhepi me bashkëpunëtorë. Poashtu në këtë përurim morën pjesë nënkryetari i KK të Shtërpcës, Beqir Fejzullahu, përfaqësues të PK-së nga rajoni i Ferizajt  etj. 

Në fjalën e tij duke iu uruar xhamin e re, xhematlinjtë e kësaj ane, Myftiu i Republikës së Kosovës, mr Naim ef. Tërnava pos tjerash theksoi se Bashkësia  Islame e Kosovës (BIK) vazhdimisht  ka qëndruar dhe përkrahur xhematin duke iu krijuar atyre kushte dhe ambiente e hapësira të bollshme për kryerjen e ibadeteve dhe obligimeve tjera fetare.”Ne si Bashkësi Islame e Kosovës, vazhdimisht na vin kërkesa nga xhemati jonë anekënd Kosovës. Ne ende kemi nevojë për të ngritur xhami të reja. Xhamia ka luajtur rol në ngritjen e shtetit islam, që botës i solli liri, dije e prosperitet. Uroj edhe përshëndes edhe imamin Avdyl ef. Hasanin i cili është një punëtorë i palodhshëm dhe me vetëmohim të pashoq ka përcjellur dhe insistuar në ngritjen e kësaj xhamie”, është shprehur Myftiu Tërnava. Ai në vazhdim tha të pranishmëve ua ka  përkujtuar ajetin kuranor se ndërtimi dhe rindërtimin e xhamive e bëjnë ata besimtarë të cilët kanë imanin e thellë në Allahun xh.sh dhe në Ditën e Gjykimit … Unë falënderoj edhe donatorin por edhe organet komunale për kontributin e dhënë që ky projekt  sot është i ndërtuar. Këtu afër është edhe shkolla e fshatit që së bashku do ta plotësojnë mozaikun e këtij fshati dhe që të dyja janë në funksion të xhematit dhe ndërtimit dhe edukimin e gjeneratave të reja. Këtë eveniment e kë përshëndetur kryetari i KBI të Ferizajt Fehmi Mehmeti, Reis-ul ulema i BFM, Sulejman ef Rexhepi, nënkryetari i KK të Shtërpcës, Beqir Fejzullahu dhe  Rashid Xharuni ,drejtor i Kosova për Ndihmë dhe Zhvillim (KAD). Imami i këtij fshati Abdyl ef.Hasani me përkushtim e devotshmëri ka kryer për 40 vitesh radhazi dhe po kryen detyrën e imamit, mualimit dhe vaizit në këtë xhami. Ai ndjehej shumë i lumtur dhe nuk mundte t’i fshihte emocionet e gëzimit dhe të haresë “Rindërtimi i kësaj xhamie ka një rëndësi historike dhe strategjike për shkak të konfiguracionit që ka në këtë anë. Falënderoj Kryesinë e BIK, dhe organizatën nga Kuvajti si dhe organet komunale që kanë ndihmuar në këtë rast”, iu ka thënë të pranishmëve Abdyl ef. Hasani.
Në fund të këtij evenimenti u ndanë disa mirënjohje për të gjithë ata që kontribuuan në finalizimin e ngritjes së kësaj xhamie.{gallery}bitia{/gallery}
Xhamia e fshatit Biti  ka një sipërfaqe prej më shumë se 200m2. Llogaritet të ketë hapësirë për mbi 300 xhematlinjë për ta falur namazin. Ndërtimi i kësaj xhamie kishte filluar në maj të vitit 2012 dhe ka përfunduar po atë vit, më 26 nëntor.
 Ndërtimi i saj është mundësuar nga organizata KAD në bashkëpunim dhe mbikëqyrjen e BIK-së dhe ka kapur shumën prej 98 mijë euro. Xhamia ka minaren në lartësi prej 30 metra.

Shfaq më shumë në Lajme

Shfleto

Orari i arritjeve të haxhive në Kosovë

Aeroplani 1 Data: 24.08.2019 (nr. fluturimit: KK9256) (Arritja: 18:00) Këshilli: Prishtine…