Deklaratë e Myftiut të Kosovës

Prishtinë, 23 korrik 2010

Deklaratë e Myftiut të Kosovës, mr. Naim Tërnava pas vendimit të Gjykatës Ndërkombëtare të Drejtësisë, për legjitimitetin e shpalljes së Pavarësisë së Kosovës

Të dashur qytetarë të Kosovës!
Të respektuar udhëheqës të institucioneve të Kosovës!
Vëllezër e motra!

Vendimi i djeshëm i Gjykatës Ndërkombëtare të Drejtësisë (GJND), në Hagë, shënon një ndër ngjarjet më të rëndësishme për popullin dhe shtetin e Kosovës. Me këtë vendim, drejtësia ndërkombëtare, ashtu siç është pritur i njohu popullit të Kosovës  të drejtën legjitime për të krijuar e ndërtuar shtetin e tij sovran e të pavarur.
Vendimi i djeshëm nga GJND, njeh në mënyrë meritore, përpjekjet, sakrificat dhe luftën drejtë të popullit tonë për liri e pavarësi.
Me vendimin e djeshëm Kosova shënoi një fitore diplomatike e juridike në përmasat ndërkombëtare, përse s’ka dyshim se më meritori është populli i Kosovës, por me këtë rast duhet përgëzuar edhe bartësit e institucioneve që me punën e tyre të palodhshme, pas shpalljes së pavarësisë bënë që të funksionalizojnë  të gjitha mekanizmat e shtetit, duke  përfaqësuar atë në mënyrë të denjë në forumet ndërkombëtare.
Me këtë rast, falënderojmë edhe një here të gjithë miqtë tanë ndërkombëtarë që mbështetën edhe në GJND të drejtën e popullit të Kosovës për sovranitet e pavarësi.
Është obligim i yni që tani kur shteti ynë veç është njohur nga 69 vende dhe pas vendimit të GJND në Hagë, të angazhohemi në forcimin e unitetit të brendshëm, një shtet ku sundon rendi e ligji, ku të gjithë pa marrë parasysh përkatësinë etnike a fetare të jenë të barabartë, për zhvillim ekonomik me se Kosova do të bëhej vend ku mund edhe të jetohet e punohet me dinjitet.

 
Me fat, e urime!


Myftiu i Kosovës
Mr. Naim Tërnava

  • Konkurs

    Data: 25.02.2021 Këshilli i Bashkësisë Islame i Podujevës shpall: K O N K U R S Për plotës…
  • Konkurs

    Data: 18 shkurt 2021 Këshilli i Bashkësisë Islame i Vitisë shpall: KONKURS Për plotësimin …
  • Urimi i Myftiut Tërnava me rastin e Ditës së Pavarësisë

    16 shkurt 2021 Të dashur qytetarë, Vëllezër e motra! Nesër, më 17 shkurt, populli i Kosovë…
Shfaq më shumë në Njoftime

Shfleto

Konkurs

Data: 25.02.2021 Këshilli i Bashkësisë Islame i Podujevës shpall: K O N K U R S Për plotës…