Hidhet gurthemeli i Xhamisë së Madhe në Tiranë

E shtunë, 20 prill 2013

Në ceremoninë e vënies së gurthemelit të Xhamisë së Madhe në Tiranë, të organizuar nga Komuniteti Mysliman Shqiptar, e cila tuboi kryeministrin e Shqipërisë dhe kryebashkiakun e Tiranës, zyrtarë ndërkombëtar e vendor, të pranishëm ishin  edhe krerët fetar të Bashkësive Islame të vendeve fqinje.
Bashkësia Islame e Republikës së Kosovës u përfaqësua nga zv. Myftiu, Dr. Fahrush Rexhepi, i cili padyshim nuk fshehu gëzimin dhe entuziazmin e tij, duke i uruar Kreut të Komunitetit Mysliman, Haxhi Selim Muçës, për fillimin e ndërtimit të këtij objekti madhështor – xhamisë.

“Në emër të Bashkësisë Islame të Kosovës dhe në emrin tim personal, ua përcjell urimet dhe përgëzimet më të përzemërta, me rastin e hedhjes së gurthemelit të Xhamisë së Madhe në Tiranë. Në këtë ditë të madhe po realizohet edhe ëndërra jonë e kahmotshme, e lënë përgjysmë. Para pak muajsh e vendosëm gurthemelin e Xhamisë Qendrore në Prishtinë, por besimtari nuk konsiderohet besimdrejtë, përderisa nuk dëshiron për vëllaun e tij atë që dëshiron për vetveten. Sot, me lejen e Allahut, po e fillojmë xhaminë këtej kufirit, në Tiranën e bukur. Dhashtë Zoti, që këto dy faltore,  të përfundojnë së ndërtuari krahas njëra tjetrës sa më shpejtë të jetë e mundur, ashtu që besimtarëve mysliman, që aq shumë vite iu deshën të faleshin në rrugë, në borë e në shi, në pluhur e në baltë, më në fund t’i drejtohen edhe ata Allahut duke qenë shpirtërisht të qetë, e të akomoduar fizikisht”, u shpreh Zv. Myftiu para Kryetarit të KMSH, Muça.
Kryetari i KMSH, z. Muça, shprehu konsideratën e tij për pjesmarrjen e Zv. Myftiut të BIK, Dr. Fahrush Rexhepit me bashkëpunëtorë në këtë eveniment.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…