Drejtori i Diasporës i BIK-ut vizitoi Qendrën Islame Shqiptare në Karlsruhe

23 shtator 2019

Drejtori i Diasporës në Bashkësinë Islame të Kosovës, Ekrem ef. Simnica, me datë 23 shtator 2019, vizitoi Qendrën Islame Shqiptare në Karlsruhe, ku inspektoi punimet në ndërtimin e xhamisë. Ai pa nga afër punimet që janë zhvilluar në këtë objekt madhështor, i cili posedon edhe objektet përcjellëse që mund t’i posedoj një qendër, siç janë këndi për shitjen e librave, biblioteka, mësonjëtorja për mësim-besim, bufeja dhe hapësirat e tjera ndihmëse, të cilat e bëjnë qendrën edhe më funksionale dhe të shfrytëzueshme për bashkatdhetarët tanë atje.


Drejtori Simnica u njoftua nga imami Muhamed ef. Havolli dhe nga përgjegjësit për ecurinë dhe mbarëvajtjen e punimeve, që tashmë veçse ishin para përfundimit final. Ai shprehu kënaqësinë e tij për mbarëvajtjen e punimeve, pasi që institucionet e Qendrave Islame Shqiptare dita-ditës po ndërtojnë qendra të reja nëpër mërgatë dhe po përmirësojnë infrastrukturën për të përmirësuar dhe lehtësuar kryerjen e obligimeve fetare e kombëtare për mërgimtarët tanë.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…