Kryesia e Bashkësisë Islame të Kosovës shtroi iftar në Pukë

Prishtinë, 28 maj 2019

Në mbështetje të Bashkësisë Islame të Republikës së Kosovës, Myftinia e Pukës, organizoi shtrimin e iftarit në qytetin e Pukës. Të pranishëm në këtë iftar, përpos myftiut të Pukës, z. Gëzim Kopanit dhe anëtarëve të Këshillit të Myftinisë së Punës, të pranishëm ishin edhe zv.sekretari i BIRK-ut, Rexhep Luma, drejtori i Kulturës dhe Veprimtarisë Botuese, Ramadan Shkodra, imami i xhamisë “Fatih” në Prishtinë, Bahri Sejdiu dhe përgjegjësi për literaturë pranë BIRK-ut, Agim Gashi.

Në fjalën e tij drejtuar të pranishmëve, myftiu i Pukës, Gëzim Kopani, ndër të tjerash tha: “Falënderoj delegacionin e BIRK-ut, që kanë ardhur enkas në qytetin e Pukës, si dhe Myftiun e Bashkësisë Islame të Kosovës, Naim ef. Tërnava, i cili së bashku me bashkëpunëtorët e tij, mundësuan shtrimin e këtij iftari në qytetin e Pukës, i cili tashmë po kthehet në traditë për këtë qytet. Muaji Ramazan është muaji i solidaritetit dhe bashkëpunimin, andaj me këtë rast falënderoj vëllezërit kosovarë për mbështetjen ndaj Myftinisë së Pukës dhe të gjithë atyre që janë bërë shkaktarë për shtrimin e këtij iftari.”

Në emër të Kryesisë së Bashkësisë Islame të Kosovës, foli zv.sekretari Rexhep Luma, i cili në fjalën e tij tha:

“Ky aktivitet i iftarit, tashmë është shndërruar në iftar tradicional për besimtarët e Pukës me rrethinë. Më lejoni që në emër të Kryesisë së BIRK-ut, dhe në emrin tim dhe të bashkëpunëtorëve që më shoqërojnë, t’u përcjellë përshëndetjet dhe selamet e Myftiut të Bashkësisë Islame të Kosovës, Naim ef. Tërnava, i cili ka një kujdes të veçantë ndaj Pukës, kështu që përkrah dhe mbështet aktivitetet e Myftinisë së këtij vendi.”

Në fund, iftari i mbyll me një ligjëratë të mbajtur nga imami Bahri ef. Sejdiu, i cili foli rreth vlerës së dhjetë netëve të fundit të Ramazanit, e në veçanti rreth Natës së Kadrit.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…