Ministri i Jashtëm i Turqisë, z. Mevlut Çavusoglu vizitoi Bashkësinë Islame të Kosovës

Prishtinë, 19 tetor 2018
Kryetari i Bashkësisë Islame të Kosovës, Myftiu Naim Tërnava priti sot në takim ministrin e Jashtëm të Turqisë, z. Mevlut Çavusoglu. Myftiu Tërnava falënderoi ministrin Çavusoglu për këtë vizitë, duke shprehur falënderimet më të sinqerta për qeverinë turke, presidentin e Turqisë, z. Rexhep Tajip Erdogan dhe DIJANET-in për ndihmën e pakursyer që po japin për Kosovën dhe popullin e saj. Ai vlerësoi lart marrëdhëniet ndërmjet Kosovës dhe Turqisë.

Më pas, Myftiu Tërnava njohu mysafirin me aktivitetet e BIRK-ut dhe rolin e këtij institucioni që ka për jetën fetare në vend, duke theksuar se ky institucion ka dhënë dhe po vazhdon të japë maksimumin që vendi ynë të jetë një vend i qetë dhe ku të gjithë pjesëtarët e komuniteteve fetare të jetojnë në harmoni dhe në paqe ndërmjet vete. Myftiu po ashtu përmendi edhe bashkëpunimin e ngushtë që ka me ambasadoren e Turqisë në Kosovë, znj. Kivilcim Kiliç.

Nga ana e tij, ministri i Jashtëm i Turqisë, Melvut Çavusoglu falënderoi Myftiun Tërnava për pritjen dhe çmoi lart angazhimin e BIRK-ut dhe të Myftiut për prosperitet dhe përmirësimin e jetës së qytetarëve. Ai premtoi se ndihma e Turqisë për popullin e Kosovës do të vazhdojë edhe më tutje dhe se bashkëpunimi ndërmjet Kosovës dhe Turqisë do të intensifikohet edhe më shumë.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…