Myftiu Tërnava takoi një delegacion nga Ministria e Jashtme e Arabisë Saudite

Prishtinë, 30 korrik 2018

Kryetari i Bashkësisë Islame të Republikës së Kosovës, Myftiu Naim Tërnava, sot priti në takim delegacionin e Ministrisë së Punëve të Jashtme të Arabisë Saudite, të kryesuar nga Bandar al Dayel-i, i cili po qëndron këto ditë në Kosovë për të finalizuar vizat e haxhit për kosovarët që sivjet ua mësyjnë vendeve të shenjta për të kryer haxhin.

Myftiu Tërnava falënderoi z. Bandar el Dayel-in për vizitën, e njohu me organizimin e jetës fetare në vend dhe me organizimin dhe aktivitetet e organeve dhe të institucioneve të Bashkësisë Islame të Kosovës. Në veçanti mysafirin e falënderoi për cilësinë e shërbimeve konsullore, të cilat Ministria e Punëve të Jashtme e Arabisë Saudite po i ofron per haxhitë e Kosovës duke ua dhënë vizat në Prishtinë, gjë që përbën lehtësim të madh për Bashkësinë Islame të Kosovës.

Nga ana e tij, Bandar el Dayel-i falënderoi Myftiun Tërnava për mikrpitjen e ngrohtë dhe për organizimin e shkëlqyer të haxhit nga Bashkësia Islame e Kosovës, e cila, siç u shpreh diplomati Bandar el Dayel-i, ofron shembullin më të mirë nga organizatorët e haxhit të shteteve të Ballkanit se si duhet të organizohet dhe të realizohet haxhi.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…