Manifestim me rastin e Muajit të Mevludit

Të premten, më 08.12.2017, pas namazit të jacisë, në xhaminë e fshatit Shoshaj, organizuar nga Këshilli i Bashkësisë Islame i Preshevës; u mbajt manifestim me rastin e Muajit të Mevludit.

Nga Kryesia e Bashkësisë Islame të Kosovës ishte i pranishëm prof. Ilmi Rexhepi, i cili mbajti ligjëratën për lidhjen gjuhësore-fetare të emrave të përveçshëm të të Dërguarit Muhamed a.s.

Të pranishmit i përshëndeti sekretari i Këshillit Abedin ef. Limani, i cili është edhe imam i xhamisë së fshatit Shoshaj, ndërsa Kryeimami Xhemaludin Hasani mbajti fjalë rasti.

Pjesë nga Kurani dhe nga mevludi kënduan Avdush ef. Krosa dhe hafëzi Besir Musliu, që ishin mysafirë nga Kosova, kurse duanë e bëri Mumin ef. Tahiri, arkëtar i Këshillit të Bashkësisë Islame të Preshevës.

Para ligjërimit të temës, prof. Ilmi Rexhepi shprehu vlerësimin e tij, të institucionit të Bashkësisë Islame të Kosovës dhe të besimtarëve të Kosovës Qendrore për vëllezërit e tyre të Kosovës Lindore, që, me këmbëngulje e vetëmohim, po ruajnë e po kultivojnë raportet kulturore dhe të organizimit institucional fetar me Kosovën. Ky qëndrim meriton vëmendjen, mirënjohjen dhe përkrahjen morale të çdo shqiptari,- theksoi prof. Ilmi Rexhepi.

Në manifestim merrnin pjesë administrata e Këshillit të Bashkësisë Islame të Preshevës, imamë të këtij Këshilli, besimtarë nga qyteti e fshatrat e Preshevës dhe mysafirë nga Kosova.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…