Kryeministri priti në takim sekretarin e Ligës së Botës Myslimane, Muhamed bin Abdelkerim el Isa dhe myftiun Tërnava

Prishtinë, 13 mars 2017

Kryeministri i Republikës së Kosovës, z.Isa Mustafa, priti në takim sekretarin e përgjithshëm të Ligës së Botës Islame, Muhamed bin Abdelkerim el Isa, dhe myftiun e Republikës naim ef. Tërnavën dhe delegacionin që po e shoqëron atë në  Kosovë me ftesë të Bashkësisë Islame të Republikës së Kosovës.Në takim ishte edhe ambasadori i Kosovës në Arabinë Saudite, dr.Rexhep Boja. Në këtë takim  u bisedua për fuqizimin e vazhdueshëm të shtetësisë dhe të subjektivitetit ndërkombëtarë të Kosovës dhe nevojën e njohjes nga të gjitha shtetet anëtare të Kombeve të Bashkuara, përfshirë edhe ato me shumicë myslimane.

Kryeministri Mustafa e njoftoi  mysafirin për progresin e Kosovës në të gjitha fushat dhe përkushtimin e plotë për avancim të mëtejshëm të zhvillimit ekonomik dhe proceseve integruese euroatlantike.

Duke folur për procesin e fuqizimit të shtetësisë, kryeministri Mustafa theksoi nevojën që Kosova të njihet nga të gjitha vendet e botës.

Nga  ana e tij Sekretari i Ligës së Botës Islame, Muhamed bin Abdelkerim el Isa, vlerësoi të arriturat në Kosovë, duke theksuar përkrahjen e kësaj Lige për njohjen e mëtejshme të Kosovës.

“Pavarësia e Kosovës është kauzë e drejtë, andaj të gjitha shtetet e botës duhet ta njohin shtetin e Kosovës”, tha ai, duke premtuar përkrahje në këtë drejtim.

Gjatë takimit, u bisedua edhe për vlerat tradicionale të tolerancës, mirëbesimit dhe mirëkuptimit ndërmjet komuniteteve etnike dhe fetare që mbizotërojnë në Republikën e Kosovës dhe aspekte tjera të zhvillimeve pozitive në vend.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…