Myftiu Tërnava priti në takim ambasadorin e Kosovës në Riad, z. Lulzim Mjekun

Prishtinë, 6 janar 2021

Kryetari i Bashkësisë Islame të Kosovës, Myftiu Naim ef. Tërnava priti në takim ambasadorin e Republikës së Kosovës në Riad të Arabisë Saudite, z. Lulzim Mjekun.

Myftiu Tërnava e njohu me kontributin e Bashkësisë Islame të Kosovës në kapërcimin e situatës së vështirë që është krijuar në vend për shkak të pandemisë, si dhe me masat e ndërmarra në kuadër të ndërgjegjësimit dhe parandalimit të përhapjes së mëtejshme të pandemisë Covid-19. Myftiu po ashtu e njohu mysafirin me zhvillimin dhe aktivitetet e BIK-ut, si dhe me angazhimin e vazhdueshëm që ka ky institucion për një mirëqenie mes komuniteteve fetare dhe për tolerancën ndër-fetare në vend.

Ndërkaq ambasadori i Republikës së Kosovës në Riad të Arabisë Saudite, z. Lulzim Mjeku pasi e falënderoi Myftiun Tërnava për mikpritjen, vlerësoi kontributin e çmuar që Myftiu Tërnava dhe BIK-u japin vazhdimisht në të mirë të shoqërisë sonë në kultivimin e kulturës së bashkëjetesës, tolerancën, harmoninë e respektit mes komuniteteve fetare në Kosovë.

Shfaq më shumë në Lajme

Shfleto

Drejtori për diasporë Ekrem Simnica priti në takim Xheladin Leka imam në Zvicërr

Më 22 shkurt Drejtori për diasporë në Kryesinë e Bashkësisë Islame të Kosovës, Mr. Ekrem S…