Me kursimet e trustit donatori përmes “Bereqeti” ndihmon 23 familjet me dru për ngrohje

Prishtinë, 20 dhjetor 2020
Shoqata Humanitare Bamirëse “Bereqeti” në Dragash po vazhdon me aksione humanitare në prag të stinës së dimrit për t’iu dalë në ndihmë të gjithë familjeve në nevojë. Në kuadër të kësaj iniciative “Bereqeti” ka filluar shpërndarjen e druve për ngrohje për 23 familje nevojtare me nga tri metra dru.
Këshilli i Bashkësisë Islame të Dragashit së bashku me degën e “Bereqeti” në bashkëpunim me z.Burim Pirajn, pronar i SH.P.K Meka, kanë ndërmarrë këtë iniciativë për t’iu dalë në ndihmë të gjitha familjeve në nevojë për ngrohje gjatë stinës së dimrit.
Ky aksion humanitar është në vlerë të 3 mijë e 560 eurove të cilat z.Piraj pas aplikimit të tërheqjes së kursimeve prej 10% nga trusti ka vendosur t’i destinoj për bamirësi përmes Shoqatës Humanitare “Bereqeti” e cila mbetet e hapur për të gjithë donatorët që duan të jenë të përkrah familjeve nevojtare.
Këshilli i BI-së në Dragash së bashku me degën e “Bereqetit” në këtë komunë, falënderojnë donatorin duke lutur Allahun e Madhëruar që t’ia pranojë këtë vepër të mirë donatorit dhe të shpërblejë në këtë botë dhe në botën tjetër.

Shfaq më shumë në Bereqeti

Shfleto

Myftiu Tërnava priti në takim lamtumirës drejtorin e Fondacionit “Maarif” në Kosovë z. Mesut Ozbaysar

  Prishtinë, 26 shkurt 2021 Kryetari i Bashkësisë Islame të Kosovës, Myftiu Naim ef. …