Prishtinë, 16 mars 2018
Kryetari i Bashkësisë Islame të Republikës së Kosovës, Myftiu Naim Tërnava, së bashku me bashkëpunëtorët e tij, qëndruan në Viti, ku vizituan dhe inspektuan punët në xhaminë e fshatit Mogillë të komunës së Vitisë, ndërtimi i së cilës xhami është në përfundim e sipër. Myftiu Tërnava, pas inspektimit të punëve në këtë xhami, u nda i kënaqur me rrjedhën e punimeve dhe shprehu besimin që së shpejti do të bëhet edhe përurimi i saj dhe e vlerësoi xhaminë si tejet të nevojshme për xhematin e fshatit përkatës.
