Prishtinë, më 18 mars 2024
Me ftesë të emirit të Katarit, shejh Temim bin Hamad al Thani, kryetari i Bashkësisë Islame të Kosovës, Myftiu Naim ef. Tërnava, mori pjesë sonte në iftarin e shtruar nga emiri i Katarit.
Ky iftar u shtrua për nder të dijetarëve, gjyqtarëve dhe ylemave nga Katari dhe vende të tjera. Iftari u shtrua në pallatin mbretëror në Doha.
Në këtë iftar, pos kryetarit të Bashkësisë Islame të Kosovës, Myftiut Naim ef. Tërnava, mysafirë nderi ishin edhe myftiu i Bosnjës, myftiu i Kroacisë dhe ai i Sllovenisë.
