Prishtinë, më 6 dhjetor 2023
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim imamin dhe sekretarin e Qendrës Shqiptare Islame Kulturore në Nju Jork, Ferid ef. Bedrollin.
Gjatë këtij takimi, Myftiu Tërnava, shfrytëzoi rastin që të njoh mysafirin me ecurinë e punëve dhe zhvillimeve në Bashkësinë Islame të Kosovës, si dhe për bashkëpunimin që kanë me qendrat islame në diasporë. Ai edhe njëherë rikonfirmoi gatishmërinë e tij dhe të institucionit që ai drejton që të kenë edhe më tutje bashkëpunim në të gjitha fushat me rëndësi për besimtarët myslimanë.
Nga ana e tij, imami Bedrolli, fillimisht e uroi Myftiun Tërnava për rizgjedhjen e tij në krye të institucionit të Bashkësisë Islame të Kosovës, duke i uruar suksese në këtë detyrë. Ai më pas falënderoi Myftiun Tërnava për bashkëpunimin e deritanishëm që ka pasur ai dhe institucioni i BIK-ut me qendrat islame në diasporë, e në veçanti me Qendrën Shqiptare Islame Kulturore në Nju Jork.
![](https://i0.wp.com/bislame.net/wp-content/uploads/2023/12/203a6f87-e3a2-4fe1-9b91-ef6fb7455bd2-1024x682.jpg?resize=850%2C566&ssl=1)