Prishtinë, më 22 shkurt 2023
Kryetari i Bashkësisë Islame të Kosovës, Myftiu Naim ef. Tërnava, po qëndron për vizitë zyrtare në Tiranë, ku u prit nga ambasadori i Kuvajtit në Shqipëri, z. Faisal Sulaiman Ali al Musaileem, të cilin e uroi për festën kombëtare të Kuvajtit.
Myftiu Tërnava me këtë rast po ashtu vlerësoi kontributin e shtetit dhe popullit të Kuvajtit për popullin e Kosovës dhe bashkëpunimin shumë të mirë që kanë me ambasadën kuvajtiane në Tiranë.
Nga ana e tij, ambasadori Musaileem falënderoi Myftiun Tërnava për urimin dhe vizitën duke vlerësuar lart bashkëpunimin me BIK-un në realizimin e projektve në të mirë të Kosovës.
