Prishtinë, 3 mars 2021
Kryetari i Kryesisë së Bashkësisë Islame të Kosovës, Myftiu Naim ef. Tërnava, priti sot në takim kryetarin e Lëvizjes për Bashkim, z. Valon Muratin.
Në këtë takim, Myftiu Tërnava, e njohu mysafirin me funksionimin e institucionit të Bashkësisë Islame të Kosovës, si dhe me gjendjen e përgjithshme të këtij institucioni në këtë kohë pandemie.
Kryetari i Lëvizjes për Bashkim, z. Valon Murati, e falënderoi Myftiun për pritjen dhe për angazhimin e tij dhe të institucionit të BIK-ut për mirëqenien e gjithmbarshme, si dhe për angazhimin e tij në ruajtjen e vlerave fetare dhe kombëtare të qytetarëve.
