Sonte jemi rreth sofrës së Allahut - Krijuesit të gjithësisë

Këshilli i BI të Prishtinës  mbrëmë më 2 tetor 2007, në ambientet e Hotelit “Iliria” në Prishtinë shtroi iftar ku pos udhëheqësve me të larët të Bashkësisë Islame të Kosovës me në krye Myftiun e Kosovës, Mr. Naim, Tërnava qenë të pranishëm edhe përfaqësues të partive politike përfaqësues të institucioneve të ndryshme, pastaj përfaqësues të zyrave diplomatike të akredituar në Prishtinë, pastaj  përfaqësues të komunitetit të biznesit e të ftuar të tjerë.

“Sonte jemi rreth sofrës së Allahut - Krijuesit të gjithësisë, i Cili për njeriun ka vendosur rregulla, e një ndër ato rregullave të shumta që janë në Kuranin famëlartë  është edhe agjërimi i muajit të Ramazanit, të cilin familjet tona, vëllezërit tanë, motrat tona e agjërojnë me një respekt të jashtëzakonshëm. E lusim Allahun xh. Sh., që të gjitha lutje tona, ibadete tona që i kemi bërë gjatë këtij muaji të na i pranoj dhe të gjitha objektivat tona si komb ti realizojmë sa më parë.