Bashkėsia Islame e Kosovės


Ajet kuranor:

“25:37. Ne e pėrmbytėm edhe popullin e Nuhut meqė ata tė dėrguarit i quajtėn rrenacakė, e pėr njerėzit, tė cilėt mendojnė, le tė marrin mėsim nga ata. E pėr mizorėt Ne kemi pėrgatitur dėnim tė rėndė.”

Mesazhi i Myftiut tė Kosovės, Mr. Naim Tėrnava me rastin e muajit tė Ramazanit Printoni E-mail
Prishtinë, 12 shtator 2007

ImageVëllezër e motra besimtarë!
Më lejoni që në emër të Kryesisë së Bashkësisë Islame të Kosovës, në emër të institucioneve të saja dhe në emrin tim personal të gjithë besimtarëve Islam t'ua uroj muajin e shenjtë të Ramazanit, duke e lutur Allahun Fuqiplotë për mirëqënie të përgjithshme.
Muaji i Ramazanit është një stinë e mëshirës hyjnore që i pajis besimtarët me pjekuri dhe virtyte, muaj të cilin Allahu e dalloi me zbritjen e Kur’anit, librin e përkryer dhe plotë dritë, udhëzues i qartë për të gjithë njerëzit.
Gjatë agjërimit  besimtari motivohet edhe më shumë, tek ai ngjallet ndjenja e bamirësisë dhe mëshirës, ndaj atyre që kanë nevojë për ndihmë, tregohen bujar dhe  të mëshirshëm.
Për agjërim nevojitet sakrificë, vetëmohim,vendosmëri, bindje e sinqertë.

Muaji i Ramazanit është dalluar nga muajt e tjerë, për besimtarët  e besimit islam, ngase është muaji në të cilin njerëzimit iu dhurua Kur’ani famëlartë, i cili është udhërrëfyes, është dritë për të vërtetën, për të  drejtën dhe moralin e pastër e të lartë njerëzor.
Allahu xh.sh. thotë:
“Muaji i ramazanit është ai në të cilin ka zbritur Kur’ani, udhërrëfyes për njerëzit dhe sqarues i rrugës së drejtë dhe dallues (i së vërtetës nga gënjeshtra) E kush e përjeton këtë muaj, le të agjërojë…” (Kur’an, 2:185).
Muhammedi a.s. thotë:
“Kush e agjëron muajin e ramazanit me besim (të sinqertë) dhe me shpresë (se do të shpërblehet nga Zoti për të), atij do t’i falen mëkatet e mëparshme”.
Muaji i Ramazanit është një forcë morale, një mundësi për pastrim të shpirtit dhe filtrim nga urrejtja, zilia, smira dhe mllefi, sëmundje këto që e zbrazin zemrën nga dashuria dhe dobësojnë imanin, dhe rast i mirë që këto ligësi t’i zëvendësojë me ibadete, respekt ndaj Krijuesit dhe dashuri ndaj njëri-tjetrit.
S’ka dyshim se çdo ndihmë dhe solidaritet vjen si virtyt i lartë i bindjes në Allahun xh.sh.
Agjërimi bënë të njihet vlera e mirëfilltë e veprave të mira. Ai zgjon ndjenjën e falënderimit, krijon vetëdijen për ta kuptuar hallin e të vuajturve, ndarjen e dhimbjes dhe vuajtjes me ata duke zgjatur dorën e dashurisë dhe ndihmës drejt tyre me zekat dhe sadaka.
Nëpërmjet agjërimit, pothuajse të gjitha zemrat e besimtarëve bëhen  sikur një, e cila është e hapur e dëlirë dhe fisnike që të pranoj porositë e Allahut xh.sh. dhe ato t’i zbatojë në praktikë. Besimtari i cili agjëron është i gatshëm të ballafaqohet me probleme të ndryshme jetësore me shpresë në fitore e shpërblime. Agjërimi është një ndjenjë përgjegjësie, është  një ndjenjë suksesi në punë dhe dëshirë  që të  jemi përherë nën kontrollin e Zotit xh.sh.
Agjërimi mbush shpirtrat me dashuri, zemrave u jep gjallëri e shkëlqim, ndërsa mendjes i jep ndriçueshmëri të lartë që e ngre atë në nivelin më të lartë të vetëdijes për të qenë i aftë të përjetojë të vërtetën dhe të lusë Allahun për mirëqenie e mirësi.
Agjërimi është mësim për urtësi e për të kalitur vullnetin. Ai që kryen agjërim di të disiplinojë edhe dëshirat e tij. Ky është njeriu me personalitet, karakter e vullnet të çeliktë.

Të nderuar besimtarë:
Muaji i Ramazanit këtë vit është dukshëm më i veçantë për ne, ngase Kosova pas negociatave të para, tash ka hyrë në një fazën tjetër delikate të definimit të statusit të saj final. Jemi të vetëdijshëm për sfidat dhe vështirësitë që do të na presin në këta muaj vijues, por kjo duhet të jetë nxitje për ne që përfundimisht t’i flakim anash mospajtimet, divergjencat dhe interesat e ngushta qoftë personale, qoftë partiake, sepse në këto momente, më tepër se kurrë na nevojitet uniteti i spektrit politik, gjakftohtësia, guximi dhe vendosmëria e të gjithë faktorëve tanë me të vetmin qëllim, realizimin e vullnetit të popullit - pavarësinë e vendit.Image
Allahu xh.sh. thote:

“All-llahu nuk ndryshon gjendjen e një populli, derisa ai të mos ia ndryshoi gjendjen vetvetes”.
Po ashtu pas muajit të Ramazanit do të kemi zgjedhjet lokale dhe ato qendrore në të cilat duhet të dëshmojmë se vërtet ne mund të jemi ata që mund të ndryshojmë gjendjen tone për te mire, duke votuar dhe zgjedhur me te mirët,  pavarësisht se cilës parti politike i takojnë.
Në fund e lusim Allahun xh.sh ttë na pranojë pranoi agjërimin tone, ibadetet tona, dhe të na i lidhë zemrat tona  me besim edhe me te forte ne Allahun, Krijuesin e gjithësisë
Në fund, të gjithë besimtarëve islamë, kudo që gjenden, ua uroj ardhjen e këtij muaji të bekuar, duke e lutur Allahun që nga ky muaj i mirësisë e i mëshirës të dalim fitimtarë, të pastër e dinjitozë në vlerat e besimit tonë.

 
< I mėparshmi   Tjetri >
[Pas]