Prishtinë, 21 prill 2009

Nesër në Prishtinë, më datë 22.04.2009, në organizim të Kryesisë së Bashkësisë Islame të Kosovës, mbahet sesioni shkencor “Mevludi tek shqiptarët”.

Në këtë sesion pritet të marrin pjesë 27 studiues nga Kosova, Shqipëria e Maqedonia, e që për temë bosht do të kenë vlerat e Mevludit tek shqiptarët.
Në këtë sesion priten kontribute dhe të dhëna të reja për hartuesit e mevludeve në gjuhën shqipe, për vlerën dhe rolin e Mevludit në fenë dhe qytetërimin islam, si dhe për vlerat gjuhësore, letrare artistike e kulturore që bartin mevludet në gjuhën shqipe.
Një vëmendje e posaçme nga studiuesit i është kushtuar edhe mënyrës së manifestimi të mevludit në treva të ndryshme të Kosovës, Shqipërisë dhe Maqedonisë.
Nga sesion priten kontribute të reja për dhe rreth Mevludit.
Sesioni mbahet në selinë e Kryesisë së Bashkësisë Islame të Kosovës me fillim nga ora 09:00