| Kryeimami i Kosovės, Sabri ef. Bajgora ka pritur pjesėmarrėsit e Karvanin tė Paqes |
|
|
|
Prishtinë, 27 tetor 2008
Kryeimami Bajgora pasi falënderoi për vizitën, ka çmuar lartë angazhimin e pjesëtarëve të ''Karvanit të Paqes'' për krijimin e klimës së mirëkuptimit dhe tolerancës ndërmjet popujve e komuniteteve të ndryshme. Bashkësia Islame e Kosovës në vazhdimësi është angazhuar për kultivimin e tolerancës ndërfetare tek popujt që jetojnë në Kosovë e më gjerë. Ne në vazhdimësi kemi kontribuar aty ku kemi pasë mundësi që të krijojmë një klimë të mirëbesimit e tolerancës ndërfetare e ndërnacionale- u ka thënë pjesëmarrësve të ''Karvanit të Paqes'' kryeimami Bajgora.  Ndërsa duke folur për kultivimin e tolerancës ndërfetare tek shqiptarët, kryeimami Bajgora tha: “Me gjithë që ne jemi popull i vogël ne kemi një traditë të kultivimit të tolerancës ndërfetare, kemi tri fe që bashkëjetojnë në paqe e harmoni dhe si popull jemi model edhe për shoqëritë e zhvilluara”. Për bashkëpunimin me bashkësitë tjera fetare kryeimami Bajgora vuri në pah: “ Ne kemi marrëdhënie e bashkëpunim të mirë me Ipeshkvinë e Kosovës ndërsa me Kishën ortodokse kemi kontakte të kohëpaskohshme vetëm me një pjesë të udhëheqësve të saj, por shpresojmë që në të ardhmen të bëjmë më shumë”. ''Karvani i Paqes'' sot vizitoi edhe Medresenë e mesme “Alaudin” në Prishtinë, me ç’rast drejtori i Medresesë Bahri ef. Simnica shtroi drekë. |
| < I mėparshmi | Tjetri > |
|---|