Prishtinë, 27 shtator 2008

Në të gjitha xhamitë e Kosovës, në selitë e këshillave vendor, në vendfaljet dhe në lokacionet e caktuara nga organet kompetente të Bashkësisë Islame të Kosovës nga dje ka filluar pagesa e Sadakatut- Fitrit dhe Zeqatit.
Besimtarët tanë Sadakatul - Fitrin dhe Zeqatin siç dihet tashmë e dedikojnë për financimin e institucioneve arsimore të Bashkësisë Islame të Kosovës siç është Medreseja me paralelet e saj dhe Fakulteti i Studimeve Islame.

Kryesia e Bashkësisë Islame të Kosovës, respektivisht sektori i financave me kohë ka bërë përgatitjet e duhura, ka caktuar vlerën e Sadakatut- Fitrit, ka shtyp dhe shpërndarë fletëpagesat përkatëse si dhe ka njoftuar e sensibilizuar besimtarët përmes ligjëratave tematike kushtuar sadakasë dhe zeqatit.
Vlera e Sadakatul - Fitrit për person e shprehur në euro është 2, 3, 5 e 10 euro varësisht nga gjendja ekonomike e besimtarëve.
Kryesia e Bashkësisë Islame të Kosovës kërkon nga të gjithë besimtarët që Sadakatul- Fitrin ta paguajnë në fondin e institucioneve arsimore të BI.
Allahu na pranoftë agjërimin, lutjet, ibadetet dhe sadakanë tonë.