Prishtinë, 26 shtator 2008

Njoftim për media
(Ftesë)

Nesër Delegacioni i peshkopëve të Evropës viziton Bashkësinë Islame

Dy delegacione të peshkopëve të Evropës, nga konferenca tre ditore që po i zhvillon punimet e saj  në Beograd me temën  “Shërimi i plagëve dhe kujtimeve të luftës, Serbia ballafaqohet  me barrën e së kaluarës”, e cila për objekt debati ka marrëdhëniet serbo -  kroate dhe serbo - shqiptare, ditën  e dytë ia kushton vizitave në terren.

Një delegacion i përbërë prej 14 anëtarëve nga vende të ndryshme evropiane, në krye me peshkopin  gjerman Leo Shvarc, nesër mw 27 shtator 2008 do të arrijë në Aeroportin  e Prishtinës.
Ky delegacion në ora  9.00 do ta vziztojë Kryesinë Bashkësinë Islame të Kosovë, ku do të takohet me myftiun e Kosovës Mr. Naim Tërnava dhe  bashkëpunëtorët e tij, pastaj në Kuvendin  e Kosovë do të takohet me kryetarin  kuvendit z. Jakup Krasniqin. Delegacioni në fjalë në rrugën e tij për në Manastirin  e Deçanit do ta vizitoj memorialin e viktimave në Qyshk, ku do të zhvillojë një bisedë me personat  që përjetuan masakrën si dhe të afërmit  e tyre.

Delegacioni tjetër, të cilit i prin Arqipeshkvi nga Franca Gerad Defois, do të qëndroj ë në qytetin  e  ndarë  të Mitrovicës, ku do të zhvilloj bisedime me kryetarin  Kuvendit Komunal z. Bajram Rexhepin dhe me   familjarët që kanë përjetuar tragjeditë e luftës. I njëjti delegacion do ta vizitojë edhe pjesën veriore të qytetit ku do të bisedoj me strukturat paralele.