| Kryeparlamntari Krasniqi priti kryetarin e Bashkėsisė Islame tė Kosovės, Myftiun Naim Tėrnava |
|
|
|
E Enjte, 24.07.2008 14:42 Kryetari i Kuvendit të Republikës së Kosovës, Jakup Krasniqi, ka pritur sot kryetarin e Bashkësisë Islame të Kosovës, myftiun Naim Tërnava me bashkëpunëtorët e tij dhe ka biseduar me të për bashkëpunimin e ndërsjellë të dy institucioneve, të cilat i drejtojnë, si dhe për një varg çështjesh që i preokupojnë ato dhe qytetarët e Kosovës. Kryeparlamentari Krasniqi e ka çmuar kontributin e dhënë për mbarëvajtjen e proceseve në Kosovës dhe autoritetin që gëzon Bashkësia Islame te qytetarët e Kosovës, prandaj ka vlerësuar se angazhimet e tilla nevojiten sot dhe në të ardhmen. Krasniqi duke dhuruar Myftiut tė Kosovės njė kopje tė Deklaratės sė Pavarėsisė Në takim në mënyrë të veçantë është folur për lobimin e BI-së për njohjen e shtetit të pavarur të Kosovës nga një varg vendesh islame. Me këtë rast zotëri Krasniqi i ka dhuruar Myftiut të Kosovës një kopje të Deklaratës së Pavarësisë, të cilën kreu i Bashkësisë Islame të Kosovës e ka çmuar si dhuratën më të shtrenjtë që ka marrë ndonjëherë. Duke iu përgjigjur interesimeve të gazetarëve, pas takimit, për rolin që mund të luajë Bashkësia Islame e Kosovës për njohjen e pavarësisë së vendit nga një grupi i madh i vendeve arabe dhe islamike, aq i nevojshëm në këtë fazë të afirmimit ndërkombëtar të Kosovës, myftiu Tërnava është shprehur shkurt se efektet e angazhimit të BI-ë do të shihen konkretisht dhe shumë shpejt.
|
| < I mėparshmi | Tjetri > |
|---|