Bashkësia Islame e Kosovës - Myftiu Tërnava në takim me ambasadorin e Britanisë së Madhe

Myftiu Tërnava në takim me ambasadorin e Britanisë së Madhe

Myftiu i Kosovës Mr. Naim Tërnava ka pritur sot në takim njohës ambasadorin e parë të Britanisë së Madhe në Prishtinë, Endi Sparks, të cilin e ka njohur me historikun, të arriturat dhe sfidat e BI të Kosovës.
Pas takimit myftiu Tërnava për gazetat deklaroi: “Sot kam pritur ambasadorin e Britanisë se Madhe në Prishtinë- pra ambasadorin që na vjen nga një shtet mik - Britania e Madhe. Ne e dimë të gjithë ndihmën që ka dhënë Britania e Madhe për ne si para pavarësisë ashtu edhe tash pas pavarësisë së vendit tonë, përse ne jemi mirënjohës”
Ndërsa ambasadori Endi Sparks u shpreh:“Sot pata rastin të takoj Myftiun e nderuar të Kosovës me të cilin kemi diskutuar për tradinën e kultivimit të tolerancës ndërfetare në Kosovë që është shumë me rëndësi ”.
Qe konstatim i përbashkët se në të ardhmen do të shtohen kontaktet dhe do të thellohet bashkëpunimi.

< I mëparshmi		Tjetri >

[Pas]