 Myftiu Tërnava botës demokratike:
Ju faleminderit për tërë atë që keni bërë për këtë popull të përvuajtur, i cili pati një histori sa të dhimbshme po aq edhe krenare
Me rastin e 100 ditëve të pavarësisë së Kosovës dhe në kujtim të personalitetit të Muhamedit a.s., në Prishtinë në organizim të Kryesisë së BI të Kosovës në bashkëpunim me shoqatën “Zëri ynë”, u mbajt manifestimi “Mesazhi i paqes”, në të cilin morën pjesë mijëra qytetarët nga të gjitha viset e Kosovës.
Duke iu drejtuar të pranishmëve Myftiu i Kosovës mr. Naim Tërnava, ka folur për përjetimet dhe pritjen e popullit të Kosovës me rastin e shpallës së Pavarësisë së vendit, përse ai tha: “17 shkurt 2008, zemra e çdo shqiptari rrahën më shpejt, përjeton ëndrrën e kamotshme, parlamenti i Kosovës shpall pavarësinë e vendit, gëzim, lot, urime, përqafim kudo në Kosovë, Shqipëri, Maqedoni, Mal të Zi, Luginë të Preshevës, Sanxhak e kudo që jetojnë vëllezërit e motrat tanë. Për një moment dëgjoi bota mbar, festohej në Amerike, nëpër qendrat evropiane pothuajse në mbar botën ku jetonin e vepronin bashkatdhetarët tanë. Festonim ngase në vazhdimësi kishte atdhedashës qe donin lirinë,dhe për këtë nuk kursyen as veten e tyre kishte burra të mëdhenj të cilët u flijuan brez pas brezi, por edhe në luftën e fundit me Serbinë të udhëhequr nga komandanti legjendar Adem Jashari. Familja Jashari, Haradinaj, Pajazi, Ramadani e shumë familje e shehid tjerë që ranë për të mos vdekur kurrë ishin shembujt më të mirë se si mbrohet dhe luftohet për fe e atdhe. All-llahu xh sh thotë: “ Prej besimtarëve kishte burra që vërtetuan besën e dhënë Allahut e disa prej tyre e realizuan premtimin duke e dhënë jetën... “
Duke folur për përkrahjen dhe ndihmën e faktorëve relevant ndërkombëtar për shtetin e Kosovës e posaçërisht për njohjen e pavarësisë së vendit tonë dhe për sensibilizimin e opinionit me këtë realitet Myftiu Tërnava në fjalën e tij kujtoj dy personalitet të shuara politike të botës, presidentin amerikan Bush dhe atë francez Sarkozi : “Të nesërmen dëgjojmë lajmin nga Tanzania e largët ku presidenti Bush thotë : “Populli i Kosovës meriton Pavarësinë “Për të vazhduar më vonë edhe shumë shtete tjera në njohjen e pavarësisë së vendit tonë. Ndodhi ajo që u tha presidenti Sarkozi fëmijëve të një shkolle të Parisit se :”Kufijtë e kësaj harte do të ndryshojnë së shpejti ngase në Evropë po lind një shtet i ri”. Kjo edhe ndodhi Kosova shtet sovran e i pavarur.”
Myftiu Tërnava më pas në emër të popullit të Kosovës, Bashkësisë Islame dhe në emrin e tij ka falënderuar të gjithë aleatët që ndihmuan popullin e Kosovës për të fituar lirën dhe për të ndërtuar shtetin e pavarur e demokratik: “Botë e qytetëruar: Ju faleminderit për tërë atë që keni bërë për këtë popull të përvuajtur, i cili e pat një histori sa të dhimbshme po aq edhe krenare. Ju faleminderit që në momentin më kritik i dolët në ndihmë UÇK që njëherë e përgjithmonë të largohen nga Kosova forcat paramilitare ushtarake policore të Serbisë”
Ndërsa për personalitetin e pejgamberit Muhamedit a.s. folën kryeimaim i Kosovës Sabri ef. Bajgora, prof.dr. Pajazit Nushi, dr. Milazim Krasniqi, dhe Mr. Besa Ismaili.
Organizatorët për të gjithë të pranimit shpërndan të botuara kumtesat e katër referuesve të sipërpërmendur në një botim të veçantë që ishte përgatit enkas për ketë manifestim .
Për të pranishmin në manifestim u shfaq edhe një program i pasuar kulturor ku me recitale e ilahi u paraqiten artist të njohur si Enver Petrovci, Ismet Azemi e Basri Lushtaku. Pastaj lexuesit e njohur të Kuranit Xhelal Kaloshi e Ibrahim Beqiri.
Gjithashtu me ilahi u paraqiten edhe Kori i Medresesë së Prishtinës si dhe artisti i ri Agron Ahmeti.
Në fund Kryesia e BI të Kosovës, për kontributin e dhënë për lirin e Kosovës u ndau çmimin për paqe “Mulla Idriz Gjilani” gjashtë familje të dëshmorëve:
Fëmijës Jashari; Familjes Haradinaj; Familjes Ramadani, Familjes Pajaziti, Familjes Prestreshi dhe Familjes Jonuzi.
Çmimin për paqe familjarëve të dëshmorëve ua ndau vet Myftiu Tërnava.
Foto nga manifestimi “Mesazhi i paqes”
|
