Bashkėsia Islame e Kosovės


Ajet kuranor:

“4:40. S’ka dyshim se All-llahu nuk bėn pa drejtė as sa grimca, e nėse ajo vepėr ėshtė e mirė, Ai e shumėfishon atė dhe Vetė Ai i jep shpėrblim tė madh.”

Myftiu Tėrnava u flet pėr shtetin nxėnėsve tė Medresesė Printoni E-mail
Prishtinë, 19 shkurt 2008

ImageOrët e para të mësimit në Medresenë e mesme “Alaudin” iu kushtuan aktit të shpalljes së pavarësisë, ku mësimdhënësit u folën nxënësve për rëndësinë që ka akti me sublim bërja e shtetit.
Pos mësimdhënësve sot për pavarësinë nxënësve të Medresesë u foli edhe Myftiu Naim Tërnava, i shoqëruar nga bashkëpunëtoret dhe nikoqiri drejtori i medresesë Ekrem ef. Simnica një orë e kaluan me nxënësit e medresesë.
Fillimisht nxënësit dhe të pranishmit i përshëndeti drejtori i medresesë Ekrem Simnica, i cili  uroi bërjen e shtetit, ndërsa Myftiu u foli për shtetin dhe përgjegjësit ndaj tij.

Me këtë rast myftiu Tërnava iu drejtua nxënësve, ku fillimisht ua uroi pavarësinë dhe njohjen ndërkombëtare të shtetit të Kosovës.
“Të dashur nxënës, kam nderin që sot gjendem para jush, është dita e parë e punës suaj në Kosovën shtet. Më 17 shkurt botës demokratike iu shtua edhe një shtet- shteti i Kosovës së lirë e demokratike.
Të dashur nxënës, për këtë ditë ne si popull jemi angazhuar me dekada apo thënë më mirë thuajse një shekull, me të vetmin qëllim që të jemi të lirë e sovran në vendin tonë.

Mirëpo, falë ndihmës së të Madhit Allah, Luftës së bijve dhe bijave tona më të mira, angazhimit intelektual dhe përkrahjes së miqve tanë, arritëm që para 8 viteve të fitonim lirinë, ndërsa para dy dite, në koordinim dhe bashkërenditje me qendrat e vendosje së botës demokratike siç janë Uashingtoni, Londra, Parisi, Berlini, Ankaraja, Roma etj, si dhe me përkrahjen e fuqishme të NATO-së dhe BE-së, Kuvendi i Kosovës shpalli aktin më madhor për një komb-aktin e pavarësisë.
Të nderuar nxënës, pas shpalljes së pavarësisë, që nga dje kemi njohjen e vendeve demokratike. Kjo përkrahje dhe mbështetje që vjen nga shtete demokratike është e merituar, por njëkohësisht është edhe obligim për ne që të ndërtojmë një shtet të lirë e demokratik, ku respektohen të drejtat dhe liritë e çdo komuniteti, vend  ku respektohet tradita e të gjithë popujve që jetojnë në Kosovë, vend ku respektohet liria dhe predikimit i fesë.Image
Të nderuar nxënës që nga sot duhet që të punojnë e të angazhohemi jetësisht për përkrahjen dhe themelimin e një shteti të fuqishëm ku mbizotëron ligji e rregulli.
 Ne nga 17 shkurti jemi Republika e Kosovës me subjektivitet të qartë e të pranuar ndërkombëtarisht, ndërsa Bashkësia Islame e Kosovës, nga 17 shkurti është Bashkësia Islame e Republikës së Kosovës, e banorët e Kosovës tanimë janë shtetas të Kosovës.
Duke ju uruar juve dhe gjithëve Shtetin e Kosovës -  pavarësinë, edhe një herë ju ftoj që të kontribuonin në forcimin e shtetit të porsalindur. Ne si Bashkësi, do japim kontributin tonë të këtë drejtim pa asnjë hezitim. Me hair dhe me shëndet!”
Në fund Kori i medrese shfaqi një program të shkurt me ilahi, kaside e poezi për nder të shpalljes së pavarësisë.
 
< I mėparshmi   Tjetri >
[Pas]