Bashkësia Islame e Kosovës - Shoqata “Bereqeti” ndihmoi familjet e dëshmorëve në Reçak

E preferuar

Veglat

Ajet kuranor:

“7:94. Ne nuk e dërguam asnjë pejgamber në ndonjë vendbanim e që nuk e ndëshkuam atë (popullin) me skamje e vështirësi të tjera, në mënyrë që ata të përulen (të binden).”

Shoqata “Bereqeti” ndihmoi familjet e dëshmorëve në Reçak

Prishtinë, 25 janar 2008

Sot, pas namazit të xhumasë tek xhamia e fshatit Reçak të komunës së Shtimës, Shoqata Humanitare Bamirëse “Bereqeti” në bashkëpunim me imamin e xhamisë së këtij fshati Emin ef. Ahmeti , ka shpërndarë nga 10 kg mish kurbani për 75 familje të dëshmorëve.
Shoqata gjithashtu këtyre familjeve u ka shpërndarë edhe artikuj të veshmbathjes. Sipas kryetarit të shoqatës Fitim Flugaj mishi është siguruar nga Medreseja e mesme “Alaudin”. Më tutje Flugaj thotë se nuk është zgjedhur rastësish fshati Reçak, ngase këtu si edhe në shumë lokalitete tjera të Kosovës familjet që dhanë për lirinë e Kosovës kanë nevojë për një përkujdesje qoftë edhe simbolike.
Udhëheqësi i shoqatës thotë se ndihma me mish kurbani ditë më parë u është shpërndarë edhe disa institucioneve tjera anë e kënd Kosovës.
Ndërsa drejtori i medresesë Ekrem ef. Simnica shprehet se edhe në këtë mënyrë Medreseje kthen tek populli, atë që populli e ka dhënë për medresenë.

< I mëparshmi		Tjetri >

[Pas]