Prishtinë, 26 maj 2009

Sot në Prishtinë, në ambientet e Medresesë së mesme “Alaudin”, filloi Seminari rajonal për metodat bashkëkohore të mësimit të Kuranit fisnik dhe shkencave të tij.
Seminari është organizuar nga Kryesia e Bashkësisë Islame të Kosovës në bashkëpunim me Organizatën për Shkencë, Arsim e Kulturë ISESSCO, me seli në Rabat të Marokut, e cila vepron në kuadër të Konferencës Islamike.

 

Myftiu i Kosovës, Mr. Naim Tërnava, ka pritur sot në takim njohës në selinë e Kryesisë së BI të Kosovës, Ambasadorin e Shqipërisë në Prishtinë, Islam Lauka.
Myftiu fillimisht e ka përgëzuar ambasadorin Lauka për marrjen e drejtimit të misionin diplomatik të Shqipërisë në Kosovë dhe i ka ofruar gatishmërinë e tij dhe të BI të Kosovës për bashkëpunimin me Ambasadën Shqiptare në Prishtinë.

PËR UNITET EDHE MË TË THEKSUAR TË MYSLIMANËVE
Nga data 12-15. 05. 2009 në Stamboll u mbajt Konferenca e 7-të e rregullt e Këshillit Islamik të Organizatës së Shura Euro-Azisë.
 Këshilli Euro-Aziatik është themeluar më 1995 me qëllim ti afrojë sa më shumë të gjitha vendet, të cilat historikisht i përkasin rrethit kulturor islamo-osman. Pra, fjala është për Këshillin Islam Ndërkombëtarë të cilin e përbëjnë myftinjtë nga Bashkësitë Islame të Euro-Azisë, bashkësi të cilat nga aspekti i akaidit (doktrinës islame) i përkasin shkollës Maturidije, kurse në Fikh (të drejtën islame) ndjekin shkollën Hanefite.

Shoqata "Bereqeti" ka vazhduar sot aksionin në ndihëm për shkollat rurale me veshmbathje. Sot, kryetari i Shoqatës “Bereqeti”, z. Fitim Flugaj i shoqëruar nga Xhaladin Fazliu kanë qëndruar në Arllat të komunës së Drenasit, ku për 100 nxënës të shkollës fillore “Abedin Bujupi” paralelja në lagjen e xhamisë ndan nga një palë rroba vere.

Më 7 maj 2009, Shoqata Humanitare “Bereqeti” ka filluar një aksion humanitar për shpërndarjen e veshmbathjes për nevojat të nxënësve dhe personelit arsimor në disa shkolla nëpër zonat rurale të vendit. Këtë aksion shoqata e ka filluar në shkollën “Filip Shiroka” në fshatin Slivovë të Prishtinës dhe paraleles së sajë në Llajshevc, me ç’rast nga një palë rroba përfituan mbi 100 nxënës dhe stafi edukativo - arsimor i shollës.