Gjatë  muajit të Ramazanit të jemi sa më afër me besimtarët tanë ngase vetë ky muaj është muaj i mëshirës e solidaritetit

Myftiu Tërnava në mbledhje me kryetarët dhe kryeimamët e Këshillave të BI

Në prag të muajit të shenjt të Ramazanit, Kryesia e Bashkësisë Islame të Kosovës me qëllim të koordinimit të punëve rreth aktiviteteve për këtë muaj, më 29 gusht 2007, ka organizuar një takim pune me kryetarët dhe kryeimamët e Këshillave të BI-së.

Të nderuar besimtarë
Vëllezër e motra:

I lavdëruar qoftë Allahu i Madhërishëm, që na mundësoi ta presim e ta përjetojmë këtë festë të Bajramit pas  kryerjes së një ibadeti të madh e me vlerë, agjërimin e muajit të Ramazanit. Sot është ditë feste në tokë dhe në qiej. Sot në mbarë rruzullin tokësor madhërohet Krijuesi ynë nga miliona besimtarë, të cilët të gëzuar e të kënaqur u drejtohen xhamive dhe shesheve për ta kurorëzuar muajin e mëshirës, muajin e Kur’anit, me faljen e Fitër Bajramit.
Agjërimi bëri që në shpirtrat tanë të njihet vlera e mirëfilltë e veprave të mira. Ai zgjoi ndjenjën e falënderimit, krijoi vetëdijen për ta kuptuar hallin e të vuajturve, ndarjen e dhimbjes dhe të vuajtjes me ata duke zgjatur dorën e dashurisë dhe ndihmës drejt tyre me zekat dhe sadaka.

Medreseja e mesme organizoi kurs të njohurive fetare për personat e verbër dhe me të pamë të dobësuar

Me kërkesë të Shoqatës së të Verbërve dhe me të Pamë të Dobësuar të Kosovës, Medreseja e mesme “Alauddin” në Prishtinë nga 20 deri më 24 gusht organizoi kurs 1 javor për njohuritë e fesë islame, në të cilin morën pjesë mbi 40 persona të verbër dhe me të pamë të dobësuar nga qendra të ndryshme të Kosovës. Drejtoria e Medresesë enkas për këtë eveniment, në bashkëpunim me shoqatën në fjalë, me kohë kishe bërë të gjitha përgatitjet e duhura për akomodimin dhe sistemin e pjesëmarrësve të kursit në konviktin e medresesë, ndërsa për kurs kishte bërë përzgjedhjen e profesorëve për lëndët përkatëse.

Kryesia e Bashkësisë Islame të Kosovës këto ditë ka botuar librin “Drita e zemrës dhe Jasini” me alfabet të Braj-it për nevojat e të verbërve të Kosovës.

Është ky libri i parë islam në Kosovës që botohet në alfabetin e Braj-it. Libri në fjalë është një ndër më të kërkuarit në dekadën e fundit ngase pos që në të janë të përmbledhura njohurit themelore për fenë islame, lexuesi fillestar ne këtë libër gjen mënyrën e marrjes së abdesit, mënyrën e faljes së namazit, suren Jasin pastaj 10 suret e fundit të Kurani si dhe disa dua.

Në prag të përfundimi  të misioni në Kosovë komandanti i deritashëm  i KFOR-it gjenerallejtënant Roland Kather sot është pritur në takim lamtumirës nga Myftiu i Kosovës Mr. Naim Tërnava.
Me këtë rast Myftiu Tërnava falënderoj gjeneralin Kather për kontributin e tij në krye të forcave paqeruajtëse të KFOR-it për ofrimin e sigurisë për qytetarë e Kosovës. Ndërsa gjenerali Kather tha: “suksesi im në Kosovës është i përbashkët me njerëzit e këtij vendi të cilit kuptuan drejtë dhe me kohë mesazhin dhe misionin tim dhe të ushtrave të mijë. Moto e ime që shpeshherë e kam përsëritur gjatë misionit tim këtu ka qenë “dhuna nuk na qon as kund”.
Duke folur për zgjidhjen e statusit të Kosovës gjenerali Kather tha:
“Zgjidhja e statusit të Kosovës është çështje politike, prandaj politika këtë çështje duhet që ta zgjedh sa më parë që është e munduar”.

Myftiu Tërnava në takim me kryeadministratorin Ruecker

Myftiu i Kosovës mr. Naim Tërnva ka takuar sot në Prishtinë shefin e UNMIK-it Joachim Ruecker. Në takim Myftiu Tërnava i ka kërkuar Kryeadministratorit Ruecker që të përdor autoritetin dhe kompetencat e tij që ti kthej në shkollë nxënëset e përjashtuar nga shkollat e mesme të Skenderajt. Myftiu Tërnava me këtë rast tha se nuk ka as një arsye që nxënësve vetëm pse bartin shami tu mohohet e drejta e shkollimit, një veprim të tillë të marrë nga drejtorët e shkollave, përgjegjësit e arsimit të Skenderajt dhe Ministria e Arsimit, Myftiu e ka quajtur jo kushtetues, jo ligjor dhe si të tillë të papranueshëm për një shoqëri demokratike.
Kryeadministratori Ruecker i premtoi myftiut Tërnava që këtë çështje do ta bisedojë me kryeministrin dhe ministrin e arsimit.

Memorandum mirëkuptimi në mes Bashkësisë Islame dhe Kishës Katolike për parandalimin e trafikimit të qenieve njerëzore

Sot në Prishtinë, dy krerët më të lartë të bashkësive fetare, myftiu i Kosovës, Mr. Naim Tërnava- në emër të Bashkësisë Islame të Kosovës dhe ipeshkvi i Ipeshkvisë së Kosovës zotni Dodë Gjergji – në emër të Ipeshkvisë së Kosovës, nënshkruan Memorandumin e mirëkuptimi për parandalimin e trafikimit të qenieve njerëzore, me të cilin vendoset një mirëkuptim i gjerë dhe lidhje e përhershme me partneritet kundër trafikimit të qenieve njerëzore.