Sot, paradite, para fillimit të takimit të liderëve fetarë islame të rajonit, myftiu i Kosovës, Mr. Naim Tërnava priti në selinë e kryesisë së BIK, në një takim të përbashkët, kryetarin e Komunitetit Mysliman të Shqipërisë, Ing. H. Selim Muçën, myftiun Shefko ef. Omerbashiqi – kryetari i Bashkësisë Islame të Kroacisë dhe myftiun e Mostarit, Seid ef. Smajkiqi.

Në Prishtinë, nga 11-13 maj do të mbahet takimi i liderëve fetar islam të rajonit, nikoqire e së cilit është Kryesia e Bashkësisë Islame të Kosovës. Në këtë takim pritet të marrin pjesë udhëheqësit më të lartë të bashkësive islame nga rajoni.

Sot (5 prill 2010) në Mekë të Arabisë Saudite, në ambientet e Ministrisë së Haxhit të Mbretërisë, Myftiu i Kosovës, Mr. Naim Tërnava në emër të Bashkësisë Islame të Kosovës dhe zëvendësministri i Haxhit, Hatem el Kadi- në emër të Arabisë Saudite, nënshkruan marrëveshjen e Haxhit, për vitin 2010, me të cilin rregullohet shkuarje e haxhinjve kosovarë për të kryer Haxhin .
Në takimin e organizuar enkas për këtë Myftiu Tërnava fillimisht falënderoi autoritetet e Arabisë Saudite për lehtësimet e proceduarve administrative për haxhinjt e Kosovës, e të cilat ofrojnë kushte më të mira, për akomodim, kryerjen e haxhit si dhe kujdes më cilësor shëndetësor për haxhinjët.