Të enjtën , më 26 Maj 2011 në Istog në një ambient të bukur në Sallën e Kulturës Adem Jashari, organizuar nga Departamenti i të Rinjve i Bashkësisë Islame të Kosovës, në bashkëpunim me Këshillin e BI të Istogut, përkatësiht Departamentin e të Rinjve pranë këtij këshilli,u mbajt tribunë me temë “Roli dhe përgjegjësitë e njeriut në këtë botë”. Fillimisht të pranishmit me një fjalë rasti i përshendeti Kryetari i Këshillit të Bashkësisë Islame të Istogut Muhamed ef.Lipa i cili ju shprehi mirëseardhje të pranishmëve dhe shfaqi gadishmërinë e tij dhe të Këshillit të Bashkësisë Islame të Istogut për të kontribuar sa më shumë drejt ngritjes së vlerave të Islamit në këtë vendë.

Të mërkurën , më 01 qershor në Gjilan, në një ambient të bukur në restaurantin Ideal 2, organizuar nga Departamenti i të Rinjve i Bashkësisë Islame të Kosovës, në bashkëpunim me Këshillin e BI të Gjilanit ,u mbajt tribunë me temë “Islami zgjidhje e preokupimeve të rinisë sonë”.Pas hapjes së këtij programi me këndimin e disa ajeteve nga Kur’ani famëlartë, të pranishmit me një fjalë rasti i përshendeti Kryeimami i Këshillit të Bashkësisë Islame të Gjilanit Iljaz ef.Mustafa i cili ju shprehi mirëseardhje të pranishmëve dhe i falënderoi asociacionet rinore për pjesmarrje. 

“Dashuria ndaj Krijuesit” ishte tema e cila u mbajt me:25.05.2011, organizuar nga Departamenti i Gruas i BIK-së.
Tema u prezantua nga teologe Mr.Vaxhide Podvorica e cila foli për rëndësinë e madhe që duhet të ketë dashuria ndaj Allahut në zemrat tona, ti mbush zemrat tona dhe të jep efektet e veta në jetën e besimtarit.

Departamenti i Gruas i Kryesisë së Bashkësisë Islame të Kosovës në rrjedhën e aktiviteteve që zhvillon ka organizuar trajnimin me temën: "Edukimi dhe mbrojtja e të drejtave të fëmijëve", i cili është mirëpritur nga të gjitha pjesëmarrëset duke menduar se është mjaft i dobishëm apo ndoshta edhe i domosdoshëm për edukimin e brezave të rinj.

Departamenti i Gruas i Kryesisë së Bashkësisë Islame të Kosovës organizoi programin kulturor-fetar me moton “ Të gjitha së bashku” i cili u mbajt në qytetin e bukur të Istogut me:27.05.2011.
Programi u hap nga aktivistet e të vendit që ishin edhe nikoqire të këtij organizimi, pastaj fjalën e mori zyrtarja e DG-së Hanife Jahiri e cila foli për punën që kryn Departamentit i Gruas i BIK-së, synimet dhe aktivitete që zhvillon ky departament. Ajo i njoftoi të pranishmet edhe për projektet që janë duke u realizuar si dhe ato të cilat pritet të realizohen në vijim.